Майда бадал. Канаттуу кайкып уча албай, бутага барып корголойт (Токомбаев). Бутага барып конордо Торгойду көрдү шыбактан (Бөкөнбаев).

Атып машыгуу үчүн атайын коюлган нерсе. Куру дүрмөт ок менен, Бута коюп аттырып («Сейтек»). Башыңы кат душманга бута болуп бербей, – деди Коля (Жапаров).

эск. Баалуу кездеме, же ошондон тигилген кийим. Булгун, бута кийими, Көөкөрдөй эки ийини («Эл адабияты»). Буулум бута, үчтөнү – Булдан арбын алыңар («Манас»).

Бак-дарактардын бутактарын сейректетип кесүү, кыркуу, бутактарын алуу.